fbpx
اتصل بنا

اشترك

موسوعة سكوول تجيب على اسئلة التلاميذ في خصوص عملية التسجيل (QAA)
موسوعة سكوول تجيب على اسئلة التلاميذ في خصوص عملية التسجيل (QAA)

أخبار

موسوعة سكوول تجيب على أسئلة التلاميذ في خصوص عملية التسجيل (QAA)

تجيب موسوعة سكوول في هذا المقال عن كل الاسئلة الخاصة بالتلاميذ بخصوص عملية التسجيل عن بُعد التي انطلقت وزارة التربية منذ 29 أوت 2018. كما قامت بنشر فيديو وملف PDF يفسر عملية التسجيل، ويمكنكم الاطلاع عليهما من هنا (اضغط هنا). علما وان هذه الصفحة يقع تحيينها كل ساعة واضافة اسئلة جديدة حسب ورودها علينا.

مشاهدة الفيديو:

اقرأ أيضا: 8 سبتمبر: جدول أوقات التلاميذ عبر الإرساليات قصيرة

س1: جيت نعمل في التسجيل قالي “قمت بعملية التسجيل”.

الاجابة: يمكنك القيام بعملية التسجيل عبر الهاتف وفقا لما ورد في الفيديو المرفق، واذا تعذر ذلك عليك الاتصال بادارة المعهد.

س2: الموقع متع التسجيل ما يمشيش وما يحبش يتحل.

الاجابة: يشهد الموقع ضغط في النفاذ اليه، على هذاكا حاول كل مرة تحلو، وتنجم تستعمل زوز مواقع في التسجيل الي هوما:

http://www.inscription.education.tn

https://inscription.cnte.tn/

اذا كان ما تحلش، امشي Parametres Avances وبعد تعمل continuer باش يتحلك… شوف المراحل هاذم

 

 

س3: بعد ما نقوم بالتسجيل شنعمل؟

الاجابة تقوم بطباعة “وصل التسجيل من خلال الموقع، او عن طريق الرابط التالي: https://inscription.cnte.tn/inscription/impression.php وتخليه عندك كدليل على اجراءك لعملية التسجيل.

س4: مالقيتش اسمي؟

الاجابة: اتصل بادارة المعهد باش تحلك الاشكال.

س5: الكود ما وصلنيش.

الاجابة: ارجع للمزود الي خذيت منو البطاقة باش يبعثلك الكود مرة اخرى.

س6: الكارطة ما تمشيش.

الاجابة: ارجع للمزود الي خذيت منو البطاقة باش يحلك الاشكال.

س7: كي جيت ندفع خرجلي Error شنعمل؟

الاجابة: قوم بعملية دفع المعاليم من الهاتف الجوال.

س8: نجم ندفع بالـE-dinar Smart؟

الاجابة: اي تنجم

س9: اختي والا خويا عندو بطاقة نجم ندفع بيها؟

الاجابة : اي

س10: ما عنديش بطاقة تعريف كيفاش ناخذ البطاقة؟

الاجابة: تنجم تاخو بطاقة التعريف متع احد الوالدين.

س11: لقيت اسمي موجود في معهد اخر، شنعمل؟

الاجابة: اتصل بالمعهد متاعك باش تصلح الاشكال.

س12: الي باش ينقل من معهد الى معهد او من مدرسة او مدرسة اخرى أو من شعبة الى اخرى شيعمل؟

الاجابة: تقدم مطلب وتنسق معاهم في عملية التسجيل.

س13: قداش معلوم التسجيل؟

الاجابة: 8600 لوزارة التربية و400 مليم سعر الـDigiCard.

س14: فما معلومات غالطة كيفاش نصلحها؟

الاجابة: عندك بطاقة الاستمارة تنجم تصلح فيها الاخطاء الواردة.

س15: بعد ما نسجل نمشي للمعهد؟

الاجابة: لا كل شيء يتم عن بعد وما تستحقش باش تهز تنابر وجوابات وتصاور الخ… خرج كان وصل التسجيل فقط.

س16: وقتاش ناخذ جدول الاوقات ونعرف القسم؟

بداية من 8 سبتمبر، وتنجم تتحصل على تفاصيل أكثر في المقال التالي: 8 سبتمبر: جدول أوقات التلاميذ عبر الإرساليات قصيرة

س17: وقتاش اخرج اجل للتسجيل؟

الاجابة: 12 سبتمبر 2018.

س18: تلاميذ البكالوريا كيفاش يقيدو؟

الاجابة: كيما بقية المستويات يقيدو بنفس الطريقة.

س19: تلاميذ المعاهد الخاصة كيفاش يعملوا؟

الاجابة: نسق مع المعهد متاعك.

س20: وقتاش ترجع القراية؟

الاجابة: يوم 15 سبتمبر 2018.

إقرأ أيضا:

ما مدى صحة ضرورة دفع 4200 عند الحصول على انذار؟

س21: الكود وين نلقاه؟

الاجابة: الكود متع البطاقة يجيك في الـSMS على الهاتف او ما تشري البطاقة متاعك.

س22: رقم البطاقة وين نلقاه؟

الاجابة: مكتوب عليها.

س23: هل تمت قرصنة الموقع وهل ان الموقع غير محمي؟

الاجابة: لا ، بل تم تحويله من http://www.inscription.education.tn إلى  https://inscription.cnte.tn/

س24: ما لقيتش القسم متاعي / مالقيش الشعبة شنعمل؟

الاجابة: اتصل بادارة المعهد / المدرسة متاعك.

س25: شنوة الفرق بين الـDigiCard والـEdinar Smart؟

الاجابة: الـDigiCard تستعملها في كل ما يخص التربية والتعليم وسعرها 400 مليم، والـE dinar هيا بطاقة تنجم تخلص بيها فاتورات، تبعث فلوس، ويوصلوك عليها فلوس، وتقوم زادة بالعمليات الخاصة بالتعليم، وسعرها 13 دينار، يتم تجديدها بـ13 دينار كل سنة.

س26: كيفاش نعرف روحي رسمت؟

الاجابة: بالنسبة للهاتف الجوال، بعد ما تكمل كل الخطوات تخرجلك Felicitation، وبالنسبة للموقع، يخرجلك “لقد تمت عملية التجسيل بنجاح”.

س27: كي نحط المعرف متاعي يقلي غالط، شنعمل؟

الاجابة: تأكد منو على الانترنت والا اتصل بادارة المعهد.

س28: توجهت السنا للسنة السابعة كيفاش نعرف المعرف متاعي ورمز المؤسسة؟

الاجابة: تدخل للموقع متاع التسجيل وتمشي الاطلاع على المعطيات الخاصة بالتسجيل أو تتصل بادارة المدرسة متاعك.

س29: عندي بطاقة بنكية نجم ندفع بيها؟

الاجابة: كانك من حرفاء التجاري بنك او الشركة التونسية للبنك STB أو ا بنك الزيتونة أو BIAT أو BNA، تنجم تعمل عملية التسجيل.

س30: هل يجب على تلاميذ البكالوريا استعمال بطاقات التعريف الخاصة بهم فقط؟

الاجابة: لا ، تجم تستمعل بطاقة تعريف احد الوالدين وقتلي باش تشري الكارطة الي باش تدفع بيها. بطاقة التعريف الخاصة بيك، باش تستحقلها وقتلي باش تقوم بالتسجيل في المناظرة.

احصل على الدروس عن طريق البريد الالكتروني

احصل على الدروس عن طريق البريد الالكتروني

كتب من قبل

مكوّن (Formateur) طالب في الماجستير المهني في الترجمة (اختصاص لغة انجليزية) متحصل على الاجازة في اللغة الانجليزية مؤسس موقع "موسوعة سكوول" ناشط في المجتمع المدني

Facebook

إعلانات

آخر الأخبار

إعلانات
Connect
احصل على الدروس عن طريق البريد الالكتروني

احصل على الدروس عن طريق البريد الالكتروني

error: Content is protected !!