mawsoaschool
ساعات تزهى روح من كلمة
و ساعات يفرح قلب من غزرة
ساعات تقوى نفس من حلمة
و ساعات تبكي عين من نزرة
ساعات ترجف يد من فرحة
و ساعات تظهر تبسيمة من سرحة
ساعات تضحك وفي قلبك نار
وساعات تبكي جهار بهار
ساعات تحب ضو الڨمرة
وساعات تعشق ضو نهار
ساعات يبرد قلبك طرف
وساعات تشعل فيك النار
تركح تسرح تتبسم و تتذكر برشا خنار
شدة يد ، تبسيمة ،تعنيقة و برشا عقار
تقول تذكرت فلان ، مشا يا حسرة يا زمان
خيالو في روحي مخزون
قلبي في صدر و مدفون
خلالي ذكرى محلاها
نرقد بيها نفيق بيها ، و نعيش ليها
تاخو نفس عميق وترجع للدنيا تفيق
تلقى روحك تحلم و تغني وتقول إلي مشا معادش يولي
تقول لا صار ولا كان وأنا هكا فرحان
ومن خير الدنيا شبعان
تخلي بكاك ونوحك و تقرر باش تعيش لروحك ….
لروحك باش تعيش……
عاطف عكرمي – معهد بوڨطفة 2 سيدي حسين