mawsoaschoolالصحو والرقاد والنجوم والحلمة والتصويرة والصوت والغزرة بالهمسة واللمسة بالموت …
والظلام بالعشرة والرقام حد العشرة لا حد سمع ولا حد شاف دخانك هه دخانك والدك وامك واصحابك وعشقك وفناك هه حروفك … حروفك فالمنفى وكلامك مع الريح ما يسوى فرحان؟ تصويرة وكهو …. قالق ؟
صوت وبرى … تاعب ؟ الراحة فالجنة … تحب ؟ وانا ما نتحبش .. تحلم ؟ ايي انا نحلم بالحلمة فالنور فالليل بين النجوم والقمر والظلمة … صحابك؟
فيهم سحاب وفيهم ورود حتى سبهم فيك ياقوت … خانوك ؟ خنت روحي .. ظلموك ظالم روحي .. نساووك ؟؟ ما عليهمش ملام ناسي روحي بظلامي وبعشقي وبطبيعتي وبروحي … مخنوق؟
خانق روحي خرجت من اكبر المحن الا الزوز مناس هاكم … خسرت ؟ مانخسرش رابح قدري وعرضي بين عبادي نحارب ونتحارب ونعيش ونجرب ونموت ونتغرب ظايع فالوقت والوقت ما نساني لا عين حبت تدمع ولا روحي حبت تفرح يااعيين … يااعيين ابكي وخوني لكن ما تطول انت والله عليا ما تهون …
وتهون وتهون لكن بعد الغيث فرج ووظاح طريقك بين ضباب الغاب بعد ما عرفت الكلب والضبع والغراب تضحك تتبسم وتلقى من بعيد لي تحب والدخان والكتب تزهالك الدنيا وتلعب بيدك فيها انت لي تبدى وتوقف انت النور والبحار انت الشمس والقمرة انت الصحراء والبحار انت النسيم بين الغنى بالغاب انت ورود ما تخلي الكف ينبت شووك لااا خلي الكف ينبت ورود
بقلم التلميذ: فراس عبيدلي – معهد التطور جندوبة